პარტნიორები

რუმინეთის წითელი ჯვრის ეროვნული საზოგადოება - გალაცის ფილიალი არის ჰუმანიტარული ორგანიზაცია, წითელი ჯვრისა და წითელი ნახევარმთვარის საერთაშორისო მოძრაობის ნაწილი, რომლის სამოქმედო არეალია გალაცი ოლქი. ის,  როგორც სახელმწიფო ხელისუფლების დამხმარე ორგანიზაცია, კანონით უფლებამოსილია კატასტროფების შემთხვევაში ჰუმანიტარული დახმარება გაუწიოს მოწყვლად ადამიანებს.

გალაცის ფილიალი ხელს უწყობს ეროვნული და ადგილობრივი ჰუმანიტარული პროგრამების განხორციელებას, საგანგებო სიტუაციებსა და შეიარაღებულ კონფლიქტებზე სწრაფად რეაგირებას. ის ორგანიზებას უკეთებს  დახმარების სერვისებს   სტიქიით დაზარალებულთათვის, უზრუნველყოფს საზოგადოებრივი ჯანდაცვის დახმარებას, ხელს უწყობს დაავადების პრევენციის  სანგანათლებას და უმსუბუქებს დაზარალებულებს ტანჯვას. თავისი მისიების შესასრულებლად იგი იწვევს  და გადაამზადებს ადამიანებს, ხელს უწყობს ახალგაზრდა თაობის ჩართვას ჰუმანიტარულ საქმიანობაში.

გალათის წითელი ჯვარი ასევე ახორციელებს საგანმანათლებლო საქმიანობას საზოგადოების, განსაკუთრებით ბავშვებისა და ახალგაზრდების,  წითელი ჯვრის ფუნდამენტური პრინციპების, მშვიდობისა და ადამიანთა შორის  ურთიერთპატივისცემის იდეალების შესახებ ცნობიერების ამაღლების მიზნით. იგი თანამშრომლობს სხვადასხვა ინსტიტუტებთან, ორგანიზაციებთან და ადგილობრივ ხელისუფლებასთან ერთობლივი ქმედებების კოორდინაციისა და კატასტროფების შედეგების   ლიკვიდაციისათვის  საერთაშორისო დახმარების მხარდაჭერის საქმეში.

AO ACTIE არის არასამთავრობო, არასამეწარმეო ორგანიზაცია, რომელიც დაარსდა 2004 წელს მოლდოვის რესპუბლიკის ქალაქ კაჰულში. ტრანსსასაზღვრო თანამშრომლობისა და ევროპასთან ინტეგრაციის სააგენტოს მთავარი მიზანია ხელი შეუწყოს მოლდოვას რესპუბლიკის ორგანიზაციებისა და ინსტიტუტების  რეგიონულ განვითარებას ტრანსსასაზღვრო თანამშრომლობის მხარდაჭერით.

ACTIE მიზნად ისახავს „ქვემო დუნაის“ ევრორეგიონში  შეიტანოს წვლილი საზღვრისპირა რეგიონის ეკონომიკურ განვითარებაში . ეს მიიღწევა შემდეგი კონკრეტული მიზნებით:

• ძლიერი ტრანსსასაზღვრო პარტნიორობის ჩამოყალიბება საერთო პრობლემების გადასაჭრელად;
• ადამიანური რესურსების განვითარება ტრენინგებისა და ინფორმირების საშუალებით;
• შრომის ბაზარზე ხელმისაწვდომობის გაზრდა, მათ შორის სოციალურად დაუცველი ჯგუფებისთვის;
• ადგილობრივი ინფრასტრუქტურის მოდერნიზაცია;
• ტურიზმის განვითარება მოლდოვის სამხრეთ რეგიონში;
• ღონისძიებები, რომლებიც ხელს შეუწყობს გარემოს დაცვას.

ACTIE მნიშვნელოვან როლს ასრულებს რეგიონის ტრანსსასაზღვრო  თანამშრომლობაში. ჰყავს პარტნიორთა ფართო ქსელი ინტერესთა სხვადასხვა სფეროში. ორგანიზაცია სარგებლობს ადგილობრივი ხელისუფლების, საგანმანათლებლო დაწესებულებების და სხვა ადგილობრივი და რეგიონული აქტორების მხარდაჭერით, რისი დასტურია დღემდე  განხორციელებული ერთობლივი ღონისძიებები და პროექტებით.

ბულგარეთის შავი ზღვის რეგიონის ადგილობრივი თვითმმართველობების კავშირი (UBBSLA) არის არასამთავრობო, არასამეწარმეო  ორგანიზაცია, რომელიც დაარსდა 1992 წელს. ის აერთიანებს ბულგარეთის შავი ზღვის სანაპირო რაიონის 20 მუნიციპალიტეტის ადგილობრივ თვითმმართველობებს.  UBBSLA ხელს უწყობს მათ რეგიონული განვითარების საქმეში, მხარს უჭერს   მოქალაქეთა  მონაწილეობას,   ტრანსსასაზღვრო თანამშრომლობის გაძლიერებას, საერთაშორისო პარტნიორების მოზიდვას, რეგიონის ეკონომიკურ და გარემოსდაცვით განვითარებას. UBBSLA ხელს უწყობს    მუნიციპალიტეტებს ევროკავშირის დაფინანსებაზე ხელმისაწვდომაში, სტრატეგიული გეგმების შემუშავებასა და სანაპირო ზოლის განვითარების საკანონმდებლო ჩარჩოს სრულყოფაში

იმერეთის მხარის მეცნიერთა კავშირი “სპექტრი” - Spectri არის არასამთავრობო, არასამეწარმეო ორგანიზაცია, რომელიც დაარსდა 1997 წელს საქართველოში.  Spectri -ის საქმიანობა მიმართულია  მდგრადი განვითარების ხელშეწყობაზე    განათლების, გარემოს დაცვის, ნარჩენების მართვის, ენერგოეფექტურობის, სოციალური, ჯანდაცვისა და მცირე ბიზნესის განვითარების  სფეროებში.    Spectri თანამშრომლობს ადგილობრივ თემებთან, სამთავრობო  სტრუქტურებთან, უნივერსიტეტებთან, არასამთავრობო ორგანიზაციებთან, მასმედიასთან  და საერთაშორისო პარტნიორებთან, როგორიცაა EU-TACIS, USAID და UNDP.  “სპექტრის”  მიზანია სამოქალაქო საზოგადოების განვითარება, სოციალურ-ეკონომიკური და გარემოსდაცვითი გამოწვევების გადაჭრის ხელშეწყობა   საქართველოსა და მისი მეზობელი რეგიონების მდგრადი  მომავალისათვის.