პროექტის შესახებ

შავი ზღვის აუზის რეგიონის მცირე თემებში ბუნებრივ და ტექნოგენურ კატასტროფებით გამოწვეულ საგანგებო სიტუაციებზე რეაგირების

შესაძლებლობების გაუმჯობესება IMPACT+

მოკლე აღწერილობა

ბუნებრივი კატაკლიზმებისა და კლიმატის ცვლილების ზემოქმედებისაგან დაუცველობა ერთ-ერთი ყველაზე აქტუალური პრობლემაა შავი ზღვის აუზის რეგიონის ქვეყნებისათვის. ეს საკითხები განსაკუთრებულად მწვავედ დგას მცირე თემებში, სადაც მოსახლეობას შეზღუდული რესურსები, პრევენციულ და საგანმანათლებო ღონისძიებებზე ნაკლები წვდომა გააჩნიათ.

IMPACT+ პროექტის მიზანია აამაღლოს შავი ზღვის აუზის რეგიონის მცირე თემების მზაობა საგანგებო სიტუაციების მიმართ, იქნება ეს გამოწვეული ბუნებრივი კატასტროფებით თუ ადამიანის მიერ შექმნილი კრიზისებით. ტრანსსასაზღვრო თანამშრომლობის ხელშეწყობით და ინოვაციური გადაწყვეტილებების დანერგვით, პროექტი ხელს შეუწყობს რისკების შემცირებას, კლიმატის ცვლილებასთან ადაპტაციას და სოფლის თემების საგანგებო სიტუაციებზე რეაგირების შესაძლებლობების გაუმჯობესებას.

პროექტის ბენეფიციარები არიან: შავი ზღვის აუზის რეგიონში მცხოვრები მოსახლეობა, ადგილობრივი საჯარო ხელისუფლება, არასამთავრობო ორგანიზაციები და სხვა საინიციატივო ჯგუფები. პროექტის შედეგად ამაღლდება საზოგადოების ცნობიერება, მზადყოფნა და შესაძლებლობები საგანგებო სიტუაციების მართვისას, ეს კი შეამცირებს მათი ჯანმრთელობის, სიცოცხლისა და ინფრასტრუქტურის ხელყოფის რისკებს. ამასთანავე, პროექტი გრძელვადიანი პარტნიორობის დამყარებით, ურთიერთთანამშრომლობის ხელშეკრულებების ხელმოწერითა და ტრანსსასაზღვრო კოოპერაციის ხელშეწყობით უზრუნველყოფს მისი შედეგების მდგრადობას და სიცოცხლიუნარიანობას პროექტის დასრულების შემდეგაც.

პროექტის პარტნიორები

ეროვნული წითელი ჯვრის საზოგადოება - გალაცის ფილიალი, რუმინეთი
ტრანსსასაზღვრო თანამშრომლობისა და ევროპასთან ინტეგრაციის სააგენტო, კაჰული, მოლდოვის რესპუბლიკა
შავი ზღვის ადგილობრივ თვიმმართელობათა კავშირი, ბულგარეთი
იმერეთის მხარის მეცნიერთა კავშირი "სპექტრი", საქართველო

პროექტის მიზანი

სოფლის თემების საგანგებო სიტუაციებზე რეაგირების შესაძლებლობების გაძლიერება ტრანსსასაზღვრო თანამშრომლობის ხელშეწყობისა და საერთო ინსტრუმენტების შემუშავებით.

პარტნიორ თემებში საგანგებო სიტუაციებისათვის მზადყოფნის შესახებ საჭიროებების შეფასება.
სასოფლო თემებში საგანგებო სიტუაციებისთვის მზადყოფნის საერთო მეთოდოლოგიის შემუშავება.
ადგილობრივი მოსახლეობის მომზადებისათვის ონლაინ სასწავლო პლატფორმის შექმნა.
საგანგებო სიტუაციების პრევენციისა და მართვის შესახებ ტრენინგების ციკლის ჩატარება.
პირველადი დახმარების ტრენინგის და ონლაინ ტრენინგების ციკლის ჩატარება.
მოწყვლად ტერიტორიებზე სიმულაციური სავარჯიშოებისა და ტყის განაშენიანების კამპანიების ორგანიზება.
საერთაშორისო ფორუმისა და სხვა პრომო აქტივობების ჩატარება პროექტის შედეგების პოპულარიზაციისათვის.

მოსალოდნელი შედეგები

საგანგებო სიტუაციების ეფექტური მართვის ერთიანი მეთოდოლოგია
ელექტრონული სწავლების ვებ-პლატფორმა მცირე თემებში საგანგებო სიტუაციებზე მზადყოფნის გაუმჯობესებისათვის
20 ტრენინგი კატასტროფების პრევენციისა და მართვის შესახებ
20 ტრენინგი პირველადი დახმარების შესახებ
1 მრგვალი მაგიდა კატასტროფების მართვის ინოვაციური მეთოდების შესახებ
კატასტროფების რისკის პრევენციისა და მართვის შესაძლებლობების ამაღლების ღონისძიებები
1 საერთაშორისო ფორუმი პროექტის იდეის განვითარებისათვის
3 საინფორმაციო სემინარი პროექტის შესახებ
8 საპილოტე პროექტი კატასტროფების მართვისა და პრევენციის შესახებ
4 სასწავლო ვიზიტი
პარტნიორ ქვეყნებს შორის ტრანსსაზღვრო თანამშრომლობის გაძლიერება

შედეგი

IMPACТ+ პროექტი სთავაზობს პრაქტიკულ გადაწყვეტილებებს და მხარს უჭერს საერთაშორისო თანამშრომლობას, რომელიც ხელს უწყობს სოფლის თემების მზადყოფნასა და უსაფრთხოების გაუმჯობესებას, უზრუნველყოფს ადამიანთა და გარემოს უკეთეს დაცვას.